आराधना

कशी करू आराधना, सांग तू दिनकरा 

नाही सीमा या अंधारा, थांग मन पामरा 

तुझा प्रकाश प्रकाश, सारे आभाळ आभाळ 

माझी फाटकी रे झोळी, सारी ओंजळ ओंजळ 

साऱ्या दुनियेचा वाली, वसे कणात कणात 

माझी दृष्टी 'माया'-वेडी, फिरे तनात मनात 

तुझी लागविरे गोडी, व्हावे मन व्याकूळ बावरे 

तुजवीन कोण नको आता, बापा धावरे धावरे 

झालो मध्यान्हीला जागा, मन व्याकूळ व्याकूळ 

देरे अंतरी प्रकाश … क्षितिजावर सांजवेळ …